想為你的安樂窩添一份安全保障，保障因為火災、水浸、爆竊等意外造成的財物損失，又或是當遇上颱風襲港時，將風暴對家居的破壞力減至最低，不少人都會選擇購買家居保險。但是，香港嘅家居保險產品種類繁多，保費同保障項目嘅差異可以非常巨大，投保前你需要了解咩基本事項？馬上閱讀家居保投保5大須知！
快速閱讀：
投保須知（一）：保費計算方法
家居保險嘅保費計算方法，大多以單位面積同投保總額釐定，據消委會做嘅家居保險調查，市面上有不少計劃以投保居所嘅面積釐定所需保費，不過其實亦有部分家居保險會按住所類型（例如私人樓宇同村屋）收取定額保費。
你亦要留意保費係以建築面積抑或係實用面積計算，消委會調查發現，大部分家居保險都按建築面積計算，只有少部分同時提供兩者讓投保人選擇。香港「發水樓」風氣盛行，建築面積多包括會所、公用走廊、平台花園等，因此建築面積同實用面積差距可以好大，亦會影響你需要交幾多保費。OneDegree家居保險保障所有樓齡50年以下嘅住宅物業種類，並以實用面積計算保費，村屋及獨立屋亦不加額外保費，無需額外核保，可於網上自行投保。
投保須知（二）：基本保障範圍，室外財物都保埋？
一般家居保險都會保障室內家居財物，而如果你嘅家有室外環境，例如露台、花園等等，就要選擇同時保障室外財物嘅家居保險。以OneDegree家居保險為例，就保障你嘅室外財物因意外遺失或損毀時嘅損失，保障金額高達HK$5萬¹。
而如果你需要搬遷或裝修，亦要留意你所選嘅家居保險能否提供保障，因為一般家居保險並不保障裝修期間發生嘅意外（例如家中飾品不慎被裝修師傅跌破），而OneDegree家居保險保障裝修承包商在你家中進行工程時，又或係短暫搬遷及家居財物搬運所造成嘅家居財物意外損失，兩者保額均高達HK$10萬¹。
除咗以上兩項，2026年升級版OneDegree家居保險仲新增咗三大自選保障，涵蓋更多家居意外情況：
- 家居維修服務自選保障：一通電話安排電工、水喉、通渠及鎖匠上門進行基本維修支援²
- 寵物損毀自選保障：全港獨有，涵蓋寵物直接導致嘅10種指定財物損毀，包括鞋類、水管、雪櫃、洗衣機等³
- 寵物第三者責任自選保障：保障高達HK$1,500萬¹，涵蓋因寵物造成他人身體傷亡或財物損失而產生嘅法律責任索償⁴
一般家居保險都會保障室內家居財物，而如果你嘅家有室外環境，例如露台、花園等等，就要選擇同時保障室外財物嘅家居保險。
投保須知（三）：自負額（墊底費）點計？
不少人都聽過「墊底費」，亦即自負額，基本上每份保險都會列明自負額，表示投保人索償時需要自付嘅金額，而每間保險公司都有不同嘅自負額計算方法。
自負額嘅存在，係保險公司同投保人共同分擔部分損失金額嘅機制，並唔代表你嘅索償「唔受保」，只係代表你需要負擔一部分費用，餘額由保險公司賠償。以OneDegree家居保險為例：
- 水浸造成損失：自負額為「HK$1,500或損失總額嘅10%之較高者」，例如因為水浸浸毀傢具，其更換費用為HK$5,000，你將獲賠HK$3,500，你需要自付HK$1,500
- 颱風和風暴：自負額為「HK$3,000 或損失總額的 10% 之較高者」
- 山泥傾瀉和沉降：自負額為「HK$10,000 或損失總額的 10% 之較高者」
- 寵物損毀自選保障：每次索償須自付損失總額的10%
投保前記得留意每項保障嘅自負額細節，確保清楚了解實際獲賠金額。
投保須知（四）：一般不保事項，空置物業保唔保？
一般保險都不保障因特殊情況（例如戰爭、暴亂同恐怖主義活動）所帶來嘅損失，而且家居保險雖然保障家居財物，但並不包括財物嘅正常耗損，例如電器老化。
空置物業方面，不少人都會問「家居保險保唔保空置物業」——答案係：唔保。大部分家居保險都不保障喺長期空置嘅單位所發生嘅損失，以OneDegree家居保險為例，就不保你嘅住所連續30天以上空置後發生嘅財物損失。如果你嘅單位可能會長期空置（例如放租期間或者長時間出門），建議向保險公司查詢清楚相關條款，避免索償時出現爭議。
另外，有不少人都會混淆家居保險同樓宇結構保險（火險），簡單嚟講，火險保障嘅係「屋」，家居保險保障嘅係「屋入面嘅嘢」，兩者互補不足，缺一不可。
投保須知（五）：開放式單位、同居情侶點揀家居保？
近年開放式單位喺市場上愈嚟愈受歡迎，尤其係啱啱同居嘅情侶或者剛剛搬出嚟自住嘅年輕人，都會考慮呢類單位作為第一個安樂窩。呢類單位嘅財物密度高、空間細，一旦發生水浸、漏水或者盜竊等意外，往往牽涉到雙方共同添置嘅財物，索償時容易出現「邊樣係邊個嘅」呢類爭議。
開放式單位揀家居保，有幾點要特別留意：
1. 保費計算方式要清楚
開放式單位實用面積一般較細，如果家居保險以實用面積計算保費（而非建築面積），對呢類單位嘅住戶會更加划算。
2. 財物保障額要按實際需要調整
同居情侶通常會將雙方財物集中喺同一個單位，投保時記得將雙方添置嘅傢俬、電器、貴重物品都計算在內，確保保障額足夠。
3. 留意保單持有人身份
無論係業主、租客定係同居中嘅一方，只要你係受保地址嘅佔用者，都可以按需要投保。如果雙方都有各自嘅財物，亦可以商量清楚以邊一方名義投保，或者了解保單條款會否同時保障同住人士嘅財物。
4. 帶埋毛孩同居，記得留意寵物相關保障
如果你哋帶埋毛孩一齊同居，記得留意保單係咪設有寵物損毀自選保障³同寵物第三者責任自選保障⁴，等你哋同毛孩嘅同居生活都有全面保障。
至於邊個品牌最抵，建議由保障範圍、保費計算方式（建築面積 vs 實用面積）、自選保障種類同自負額四方面綜合比較，而唔淨係睇保費高低，先可以揀到真正適合自己單位同生活模式嘅家居保險。
OneDegree家居保險：全屋大小事都保，毛孩整爛嘢照保
OneDegree家居保險同你一齊守護屬於你同毛孩嘅舒適生活空間。由家居突發事故到毛孩嘅「小意外」，OneDegree全新升級家居保險都一次過為你和毛孩打點好。
🏠 OneDegree家居保險詳細保障：
✅ 高達HK$120萬家居財物保障¹，涵蓋漏水等家居意外而引致的家居財物損失
✅ 自選保障：高達HK$1,500萬¹寵物第三者責任保障⁴
✅ 自選保障：全港獨有涵蓋寵物損毀，包括寵物直接引致的指定家電、鞋類及水管之損毀維修費用³
✅ 自選保障：家居維修服務，涵蓋基本水電維修支援服務²
✅ 自選保障：家電維修保障，保障14種指定家電維修費用，不設電器數量上限⁵
✅ 節約用電保護環境，續保更享額外5%保費折扣⁶
✅ 村屋及獨立屋同樣受保，不加額外保費，無需額外核保
✅ 不設等候期，即買即保⁷
1. 只適用於尊尚計劃。
2. 服務涵蓋基本電工維修支援、基本水喉及通渠技師維修支援，以及基本鎖匠維修支援。服務不包括：住所室外空間的排污渠；主渠阻塞或倒灌；非機械鎖的門鎖；以及需要破牆、拆除固定結構及裝置工作、拆除廁所或搭建棚架方可進行的維修工程。配件更換費用不在保障範圍內，如有需要，你須於完成維修後直接向該電工、水喉技師或鎖匠支付。服務由指定服務供應商提供，到達時間按實際情況而定。如你的住所為村屋或獨立屋，每次服務將收取HK$400自負額。此保障設有30天等候期。服務地區不包括離島區及於中華人民共和國香港特別行政區官方行政區劃地圖上所列明的指定限制區域。只適用於作為受保地址佔用者的保單持有人。詳情請參閱保單條款。
3. 根據截至2026年7月6日的市場調查，OneDegree家居保險在香港獲授權保險公司所提供的家居保險計劃中，唯一提供寵物損毀保障。此比較是根據市面現有家居保險計劃的產品小冊子所載資料而作出。寵物損毀自選保障為寵物直接導致的 10 種指定財物損毀提供維修賠償；包括鞋類、水管、雪櫃、洗衣機、乾衣機、洗衣乾衣機、抽濕機、空氣淨化器、吸塵機及淨水器。保障須另行加購；若受損財物無法維修，將按重置成本賠償。每次索償須自付損失總額的10%。此保障設有30天等候期。只適用於作為受保地址佔用者的保單持有人，並以保單承保表所列保額為限。詳情請參閱保單條款。
4. 「寵物第三者責任保障」是指保單條款所註明的寵物主人的第三者責任保障。購買此自選保障後，因你的寵物造成的第三者責任索償將納入保單的第三者責任保障範圍內，但不包括：(i) 你、你的家人或與你同住或為你服務的任何人的身體受傷或患病，以及由該等人士擁有、保管、照顧或控制的第三者財產的損失或損毀。；(ii) 涉及用於商業護衛、競賽、搜救、實驗或繁殖等商業用途的寵物；及 (iii) 涉及《危險犬隻規例》（香港法例第167D章）所界定的危險犬隻、鬥犬或大型犬隻。只適用於作為受保地址佔用者的保單持有人，並以保單承保表所列保額為限。詳情請參閱保單條款。
5. 承保範圍僅限於香港購買的電視機（屏幕除外）、冷氣機、雪櫃、洗衣機、乾衣機、洗衣乾衣機、抽油煙機、煮食爐、焗爐、抽濕機、空氣淨化器、熱水爐、吸塵機及淨水器，距購買時間不超過60個月且價值介乎HK$3,000至HK$30,000，須提供收據證明；索償上限為HK$40,000或該家電報銷發票上之維修費用（以較低者爲準），不包含交通及運輸費用。只適用於尊尚計劃。
6. 優惠受條款及細則約束，詳情請參閱相關網頁。
7. 除自選寵物損毀保障及自選家居維修服務保障設有30天等候期外，成功繳付保費後，保單最早可以在投保當天即時生效。
