養毛孩，除了每日陪牠玩、帶牠出街，你又有沒有想過，究竟餵多少、餵毛孩吃什麼，才是最適合牠？不少主人都會花盡心思為毛孩挑選糧食，甚至親自準備雞肉、蔬菜等鮮食，希望牠吃得更健康。但自己認為好的飲食習慣，就一定適合毛孩嗎？
今次，OneDegree 行政總裁 Emily Chow（周美華）與 Mylo 創辦人 Kingson Kwan 一起分享養寵日常，由 CEO 的減壓方式、親自為毛孩準備食物的經歷，到如何掌握合適的餵食份量，帶大家重新思考：愛毛孩，不只是讓牠吃得好，更要了解牠真正需要甚麼。
CEO嘅減壓秘方：每日熊抱毛孩3分鐘
工作再忙，回家見到毛孩跑過來迎接自己，花一點時間陪牠玩，往往已經令人放鬆不少。對 Kingson 嚟講，朝早起身見到愛犬 Bashi 同自己交換一個眼神，然後就衝向自己「鍚鍚」，就是讓他最感到放鬆的時候。
Mylo 創辦人 Kingson 與他的狗狗 Bashi
Emily亦分享自己嘅日常小習慣：每朝早及瞓覺前都搵她的狗狗 BearBear 熊抱一下。「每一日熊抱一件事3分鐘，」Emily笑住講，「身體大腦會分泌催產素，可以有助減壓。」短短3分鐘，成為Emily日常忙碌工作之中，一個最療癒嘅充電時刻。
OneDegree 行政總裁 Emily 與她的狗狗 Bear Bear
點先可以令狗狗健康？資深寵主都被考起！
Emily本身係資深「貓奴」，家中養咗5隻貓，養 BearBear 則是她第一次養狗。「養狗就好似養BB，要帶齊奶粉袋、尿片先可以出門口，」她形容道，「而最難係點樣令到狗狗健康。」
從貓奴變成狗主，Emily發現照顧一隻狗，同照顧貓係兩種完全唔同嘅體驗。狗狗除咗更需要陪伴同運動，「食」呢一環亦令佢頭痛嘅。
「唔想狗狗剩係食餅好dry，」Emily自己都有仿效其他主人，親自煮鮮食俾BearBear，想畀仲係BB階段嘅毛孩有更好營養，但好快就發現一個難題：「產品營養資料難以理解。」
如何餵食 BearBear 這個問題，令資深寵主 Emily 也一度被考起。
市面上糧食種類多到眼花繚亂，包裝上嘅成分表、營養標籤又寫得相當專業，一般主人根本好難判斷，呢款糧食究竟啱唔啱自己隻狗，更何況係由零開始設計一份鮮食餐單。
呢個「睇極都睇唔明」嘅困擾，原來Kingson都深有體會。甚至乎，佢仲試過因此而喺養寵嘅路上，行過一條曲折嘅彎路。
「自己煮」就係愛佢？Kingson：曾經煮到狗狗腎唔好
講到餵食，Kingson分享咗一段令佢最深刻嘅經歷。
「以前細個養狗唔識，覺得狗狗日日食狗餅好慘咁，」Kingson回憶道，「所以決定親自為佢煮。雞肉、西蘭花，樣樣都係新鮮嘅。」
出發點係滿滿嘅愛，但結果卻令Kingson始料不及——「後來發現狗狗腎唔好，」睇獸醫時候發現，狗狗有磷過高，腎唔係太好嘅情況。「咁我就發現，我似乎有少少愛佢變咗害咗佢咁。」
Kingson 分享自己以往為狗狗煮鮮食，卻差點令狗狗身體出問題的經歷。
原來，自己煮未必等於均衡。人手配搭嘅餐單，好容易忽略咗毛孩真正需要嘅營養比例，單靠「新鮮」同「心機」，並唔足以確保一份餐真正符合狗狗所需。
「無一個餐單，係啱哂所有狗狗」
經一事、長一智，Kingson話呢次經歷令佢明白一個道理：「無一個餐單係適合所有狗狗嘅。」每一隻毛孩啱食啲咩，其實會因應多個因素而完全唔同，包括體重、品種、活躍程度，同埋身體狀態。幾個因素夾埋，一齊計起上嚟其實一啲都唔簡單。
無一個餐單係適合所有狗狗。狗狗適合食咩，要視乎佢嘅體重、品種、活躍程度，同埋身體狀態。
「所以食啲咩、食幾多，都係要計嘅，」Kingson強調。單憑經驗同肉眼，好難準確判斷一隻狗、一隻貓每日究竟食得夠唔夠、夠唔夠營養。
而呢個缺口，正正就係 OneDegree 同 Mylo 今次合作嘅起點。
OneDegree x Mylo 毛孩營養計數機：三大核心功能，全面掌握毛孩每日「食咗咩」同「食幾多」
有見及此，OneDegree 聯乘 Mylo，喺 OneDegree 手機應用程式陪胖日記®加入全新功能——毛孩營養計數機，涵蓋貓狗不同的營養需要。
速評估每日熱量需求
不同品種的貓狗有不同的營養需求，寵主毋須自行估算或查閱繁複資料，只需在陪胖日記®內回答6條關於毛孩的問題，毛孩營養計數機即可根據品種、體重、活動量及體態（BCS 1至9分）等因素，參考WSAVA標準的專屬演算法計算貓狗每日所需熱量，協助寵主作出更具科學根據的餵食決定。
智能記錄糧食及標籤分析功能
不少寵主花心思為毛孩挑選糧食，甚至會搭配不同乾糧、濕糧及鮮食，希望提供更均衡的營養。然而，面對不同品牌及產品的營養資訊，要逐一比較和記錄並不容易。透過 AI 拍攝糧食包裝標籤或手動輸入資料，寵主可記錄任何有包裝及營養標籤的乾糧、濕糧和鮮食包，以及指定鮮食食材（雞胸肉，免治牛肉和雞蛋），並同時管理最多4款糧食，了解其成分及營養資訊。
餵食份量估算功能
寵主於記錄糧食資料後，可輸入不同糧食的餵食份量。毛孩營養計數機會根據糧食的成分及營養資訊，以及毛孩的每日所需熱量，換算每日總熱量攝取是否符合建議水平，協助寵主在搭配不同糧食時更容易掌握合適的餵食份量，從而減少餵食過量或不足的情況。
想知道你平時餵毛孩嘅份量係咪真係啱？立即下載陪胖日記®，免費登記成為毛範生會員，體驗全新毛孩營養計數機，陪毛孩食得啱、食得健康！
注：本功能所提供之營養數據參考自美國農業部 (United States Department of Agriculture) 數據庫，計算結果均以食材烹調前的重量估算。由於實際熱量及營養成分可能因食材來源、烹調方式或水份蒸發而有所差異，相關數據僅供參考。使用者不應依賴上述數據作出任何醫療判斷或決策；如對寵物健康有任何疑問，請諮詢註冊獸醫的專業意見。
