【裝修佬專欄】轉涼屋企都仲係有蚊？即睇邊種防蚊方法最有用！

最近天氣轉涼，夜晚無開冷氣，但又未涼得哂，每晚都有一兩隻衰蚊飛入嚟。坊間滅蚊產品種類繁多，無論係燈定藥水定聲波定漩渦氣流，好多都附上黐滿蚊屍嘅廣告圖，但全部都係假嘅，而效果好多都好垃圾。呢D產品之中，由$100一盞cheap cheap紫外燈、到$600一部「智能捕蚊器」，版主都試過。見住隻蚊揀我大脾都唔揀佢，心諗又買左件電子垃圾…

直到裝咗淘番嘅嘅蚊網後，問題有一定改善，但由於蚊網不通風、又唔係個個窗咁易裝，我都繼續尋找可以俾我開窗瞓嘅滅蚊燈/滅工具。以下一於分幾集分享我的滅蚊心得！

首先要搞清楚：我地要吸引既蚊係雌蚊。因為雌蚊要產卵，所以才會針人吸血。雄蚊係唔針人的。
有研究指出紫外光對雌蚊係真係有吸引力既，當然亦有諸多環境因素影響蚊有幾想撲落去。可找期刊參考” Effectiveness of ultraviolet (UV) insect light traps for mosquitoes control in coastal areas of Samut Songkhram province, Thailand”一文。
有人話「紫外光只係吸引蟲，唔吸引蚊，呢個係錯既。沒source的農場文，就算引經據典，都係9成真撈1成假，遮走左關鍵資訊。不要信。假既。
但你話蚊燈既紫外光吸引D，定係人體既體味吸引D，咁就一定係人體。但咁並唔代表蚊燈唔能夠發揮作用
有人話蚊燈唔係訓覺用，係訓覺前用。咁就唔駛同人體鬥。但咁講有三個問題：第一，訓覺前天未黑，蚊燈在唔夠黑既環境作用打折，第二，你訓覺時想開窗既話，都一樣要鬥，第三，日蚊和夜蚊係唔同習性的，而夜蚊未入黑係完全唔受紫光吸引的。

想了解更多有用裝修資訊，請瀏覽裝修佬專欄：

【家有主子必睇】智能插頭令主子情緒變差？專家：電器有機會發出音頻影響動物

【貓窗網安裝】做個負責任貓奴！一文看清貓網種類與分別！

【修佬教室】唔同國家要用唔同插頭？即睇熱門國家電壓分別！